Bhojpure Muktak, Hiku and Rubaai

मुक्तक

2012-01-21T00:45:00.000-08:00

आफूलाई भुलाएर हास्ने मान्छेहरू ।
अरुको दुख पर्दा नाच्ने मान्छेहरू ।
के अर्थ रहयो र मानवको मानवता ,
मिठो सपना देखाएर बाच्ने मान्छेहरू ।

सूर्य बिक्रम याक्खा
मोरङ

हाइकुहरु :–

2010-03-18T18:33:00.000-07:00

(१)अप्ठारो बाटो
न जुत्ता भनेजस्तो
बिजोक खुट्‍टा

(२)मरे या मारे
कुनै निहुमा कोहि
आतंककारी

(३)कहिले सम्म
भेडा जस्तै बाच्ने
नेपाली वीर

(४)हरियो गति
पात झर्नु र पल्नु
वृक्ष चेतना

५)अनियन्त्रीत
ज्ञात अज्ञात वायु
प्रभुको सास

(६)चाहिन्न घाउ
त्यतिकै दुख्न सक्छ
मायालु मन

(७)मेरो बन्दुक
मेरै छातिमा ताक्ने
कस्तो समय?

(८)देशमा क्रान्ती
कार्यकता सहिद
कुर्सिमा नेता

(९)लाहुरे माया
ठ्‍याक्कै बन्दुक जस्तो
पड्‍किने डर

(१०)पैताला मुनि
ब्रेभेस्ट अफ द ब्रेभ
लेायल गोर्खाली

(११)सागर माया
बरफ झैं जम्ला है
तिमी मौसम

(१२)आइया होउ
अन्तिम युद्ध बोली
फक्रेन भोली

(१३)प्रदेशि तन
आकाश छुने मन
श्रीमति बाटेा

(१४)भत्काइस् भन्ने
बनाउन नदिने
मुख्य दोषि को?

(१५)न्यानो घाम
जाडोमा मात्र संझिस्
स्वार्थी मौसम

(१६)संहाल्न गाह्रो
कति चञ्चले मन
बैश चढेछ

(१७)चढियो घोडा
ओर्ली हाल्नु पर्ने
गोडा पल्कीयो

(१८)क्रान्ती नगर्ने
रोक्न पनि नसक्ने
अशान्ती भो रे

(१९)हार्दिन लाग्छ
कोरल छिर्ने बेला
कैले जीतिन

(२०)संसारै भुल्ने
भा जति पैशा हुल्ने
प्यारो कोरल

(२१)छोटो लाउछौ
काँ काँ न्याक्नु लाग्छ नि
मेरो के दोष?

(२२)फेसन चर्को
ध्यान बिउटिमा
ब्रेनमा बिर्को

–:अप्जसे कान्छा
भोजपुर दोभाने
हाल–व्रेकन,वेल्स

मुक्तक

2009-12-26T09:22:00.000-08:00

औशीको अन्धकारमय

औशीको अन्धकारमय रात होईन मलाई
पुर्णिमाको जुनेली रात भए पुग्छ !
जलकुम्भी र कमलफूलको डाठ होईन मलाई
मखमली र सयपत्री फूलहरुका पात भए पुग्छ !
सजावटी सौगातहरु होईन मलाई
तिम्रा ती कोमल खाली हात भए पुग्छ !
मन्द मन्द मुस्कान मात्र होईन मलाई
जुनी जुनी सम्म तिमी मेरो साथ भए पुग्छ !

डोर बिक्रम बस्नेत
देउराली ५ भोजपुर
हाल, दोहा क़तार

मुक्तक

2009-12-25T00:11:00.000-08:00

रुवाई

2009-10-30T04:02:00.000-07:00

१
गरीब मुलुक हाम्रो नेपाल, गरीब नै अटाउछन यहाँ
शोषक अनि महाजनहरु गरीब चुसी मोटाउछन यहाँ,
तन्त्रै तन्त्र आईरहन्छ यहाँ रुप धारण गरी गरी
जे तन्त्र आएपनि गरीबलाई धुलो चटाउछन यहाँ।।
२
हुन्थ्यो होला अर्को संसार आकश ले भुईं छुदा,
असम्भवहरु मात्र थोपरिन्छन प्राणी निरिह हुदा,
यो संसारनै असम्भवको पोका हो त, निरिहको लागी?
बुझ्ने सुन्ने कोही हुन्नन निरिह प्राणी यहाँ रुँदा।।
३
आज मेरो देश स्वीजरल्यण्ड झै सजाउनेहरु
झुठो आस्वसनमा हैकम यहाँ चलाउनेहरु,
अझै पनि यहाँ बर्दी पहिरिएर घुमी रैछन
आस्वसनको पोका फ्याँकी जनता उल्लु बनाउनेहरु।।
४
आफ्नो लागी यहाँ जनता बोल्न पनि डराउँछन,
आँखा भरी अन्याय बोकी मन भित्र कराँउछन,
बाहिर बोल्न नसक्नेले सहनै पर्छ अन्याय त,
जति मान्छे चुप बस्यो, शोषक झनै पाप गराँउछन।
५
अब त टाढा भएछु, मेरो नाम कस्ले पो गुन्छ होला,
मेरै निम्ती बनपाखामा न्याउली रुँदा कस्ले पो सुन्छ होला,
मैले देख्ने सपना र रहरहरु असिमित नै भएछन क्यारे,
मेरो गन्तब्यको चुली सगरमाथा झैं कहिले हुन्छ होला।

बि.जे. बान्तवा 'पराईमान्छे'
भोजपुर / कोशी

मुक्तक

2009-10-03T12:13:00.000-07:00

प्रिय यदि तिमी मलाई चाहन्छौ भने ?
आकाशको नौ लाख तारा ब्याज बेगर तिमीलाई भो ,
यदि तिमीलाई बिस्वास लाग्दैन भने ?
चंद्रमा चाहीं अहिलेनै पेस्कि भो ,
धर्ती मा त मेरो एक पाहिला पनी जमिन छैन
कसम तर आकाश गंगा सबै मेरै हो
प्रिय साँच्चै आकाश गंगा सबै मेरै हो !

कमल बुढाथोकी
जल जले- ९ , 13थुम
हाल- दोहा-कतार

मुक्तक

2009-09-29T12:15:00.000-07:00

जिन्दगीमा पहिलोपल्ट एउटी सित भेट भयो |
दोस्रो पल्ट बोलाकिथिन जादा जादै लेट भयो |
तेस्रो पल्ट भेट्दा भन्छिन विमल मलाई पेट भयो
किस खादै बाउ बनेछु हेर्नुस हजुर उदेक भयो |
विमल गौतम
साउदी अरेवीया

मुक्तक

2009-08-13T22:25:00.000-07:00

बिछोड हाम्रो त्यसबेला हुन्छ प्रिय
जब मेरो लॉस चिसो भूइँको शिरानीमा हुन्छ|
मिलन कहानी त्यस बेला हुन्छ प्रिय
जब मेरो लाश अग्निमा जलेर जान्छ |

सन्तोष रसाइली
फाकतेप - २
पाचथर - नेपाल
हाल- मलेशिया

मुक्तक

2009-08-13T02:02:00.000-07:00

टाढा बसी तिम्रो यादमा पलपल कत्ति मरुँ,
तिम्रो सामु मैले अझै आशु कत्ति झारुँ
तिम्रो यादले हरपल मलाई पोल्न थाल्यो सरू
दिलले भन्छ तिम्रो कसम हामी हासी हासी मरुँ
मेरो माया सरू तिमीलाई पुकार कत्ति गरुँ
यो मायाको सागर कत्ति एक्लै एक्लै तरुँ
मेरो भगवानले भन्छ तिम्रो काखमा हासी हासी मरुँ

तिलक राई
ठुलोदुम्मा-१, भोजपुर
हाल : कतार

मुक्तक

2009-08-08T00:51:00.000-07:00

रोएर हैन जिबनको पाईला हाँसेर चुम्ने गर
आँसुले होंईन मनको कथा हाँसोल पुछ्ने गर
कगजमा होईन जिबनको कथा हिदयमा लेख्ने गर
आँसुले हैन सौंदर्यलाई आत्माले हेर्न गर
पानीले हैन मनको प्यास मायाले मेटने गर
रुवाईले हैन मिलनको बिहानलाई हाँसोले स्वागत गर्ने गर

-संतोष रसाइली
फ़ाकतेप
पाचथर
हाल- मलयेशिया

मुक्तक

2009-08-05T21:57:00.000-07:00

मलाई धोका दिएर तिम्रो नयाँ प्रेम बन्छ भने,
लैजानु तिम्रो फोटोहरु तिम्रो मन ले मान्छ भने ,
फोटो मात्र हैन हेर चिठी पत्र नै तिमी लाई भो ,
यो जिबननै अर्पण गर्छु यदी तिमीलाई लिन्छौ भने।

असैह्य बेदनाले छटपटाईरहेको यो हृदयमा
भो प्रिय अरु धेरै पिंडाको मल्हम नलगाइदेऊ
हांसेर बाँच्ने चाहनामा हिडेको म एउटा यात्री
बिन्ती छ, तिमी अझैं मृत्युको सागर नबगाईदेऊ।

योगेन्द्र गिरी
धुपू -१ लेब्रंग
संखुवासभा
हाल- मलयेशिया

रुवाई

2009-07-17T00:44:00.000-07:00

१
लोकतन्त्र जनतालाई छोप्ने बर्को भा छ
हेर्नुहोस त नेता जी को चालै अर्को भा छ
सुने पनि बुझ्दैनन नत्र कानै थुन्छन
जनताको आवाज पनि आज झर्को भा छ।
२
बिर्सन्न म कुनै अतित सम्झनमा आईरहन्छ
सँगै बस्ने चौतारीमा मन एक्लै धाईरहन्छ
नसाट्दैम यादहरु, बिर्सिएको हुन्न भन्छु
नदेखेको नि आँखाभरि झझल्को चै लाईरहन्छ।
३
निर्मोहीको बाटो हेर्दै पर्खीरहन्छे आँखा
मनभित्र प्यास बढ्छ दर्किरहन्छे आँखा
आशा गर्दै जलि बस्नु नियती भयो मेरो
ज्वाला माथी बल्दो आँशु छर्किरहन्छे आँखा।

युवराज भुजेल
च्याँनडाँडा-२ खोटाङ
हाल: युगफोटो स्टुडियो भोजपुर

रुवाई

2009-07-17T00:12:00.000-07:00

“रुवाई”

१
उजाड मेरो जिन्दगीमा, खुशी दिने तिमीनै हौ
निम्ठो थियो मेरो माया झुसी दिने तिमीनै हौ
आँशु मात्र पिउँदै थिए, हाँसो भित्र बाँच्न सिकें
यो मनको दर्द, पिंडा, बुझीदिने तिमी नै हौ।
२
कहिले मिलन हुन्छ होल दुई किनराको
कहिले बल्छ गरिवको चुल्हो बिना राँको
कोही हाँस्छ कोही भने रुन्छ जिबनभर
कस्तो हो यो बिनिमय भाग्य बिधाताको।
३
दायाँ नहोस बायाँ नहोस
वरीपरी छायाँ नहोस
भन्ने सबै निष्ठुरी हुन
संसारमै माया नहोस।
४
सारङ्गीको तार झैं र्‍याइँर्‍याइँ रेटिनुको मज्जै बेग्लै
साकार नभएनी सपना, देखिनुको मज्जै बेग्लै
पाहुनासरी दुई दिनको क्षणिक यो जिन्दगीमा
छुट्नु त आखिर पर्छ नै, तर भेटिनुको मज्जै बेग्लै

लेखक- गणेश बाछाना "गगन"
पथरी-७ सृजना टोल, मोरङ

रुवाई

2009-07-10T01:10:00.000-07:00

१
उमङ्ग उत्सब उल्लासमय रात थियो
तिम्रो हातमाथी मेरो हात थियो
सह्य भएन हाम्रो मिलन समाजमा त्यतीबेला
कारण तिम्रो मेरो भिन्नभिन्नै जात थियो।
२
साँझमा मनका उर्बशीको अभिनय बिहान सीताको अरे
रातमा डिस्कोडान्स दिउँसो भजनकिर्तन भागवत गिताको अरे
फेसन पनि कस्तो हो यो अचेलका केटीहरुको
पारदर्शी टिसर्ट अनि मिनिस्कर्ट नी एक बित्ताको अरे

३
अचेलका केटी बोलाउँदा उनीहरुको भाउ बढ्छ अरे
अचेलका केटीको शरीर जती बढ्छ त्यतिनै कपडा घट्छ अरे
किन चाहियो कपडा राख्न बाकस अनि सुटकेशहरु
अचेलका केटीको कपडा त सलाईको बट्टामा अट्छ अरे।

धन कुमार " अबिरल"
फावाखोला-६, ताप्लेजुङ

रुवाई

2009-07-05T08:11:00.000-07:00

[१]
मान्छेबिच फक्रेको मेल राम्रो
हारसँगै जितेको खेल राम्रो
दुई पाटोमा बगिरहन्छ जीबन,
सम्झौतामा बगेको भेल राम्रो।

[२]
अँध्यारोमा मुहार छोप्ने जुन अझै
रुपमाथी रंग भर्ने सुन छ अझैं
बिर्सन्छु भन्दैमा मेटिएर जान्न याद,
मुटुभरी प्रितको मिठो धुन छ अझैं।

[३]
मन्दिरमा फूलको थुंगा चढाएर आएँ
जीबनको लामो आयु बढाएर आएँ
मान्छे माथी राज चल्छ भगवानकै भन्छन,
सुन्यो सुनेन रामकहानी पढाएर आएँ।

अमृता अनुरागी राई
होम्ताङ-१, भोजपुर

[यस रुवाईका लेखिका तेश्रो आवाज साहित्यिक मासिक पत्रीका सँग आबद्व हुनुहुन्छ जुन धनकुटा बाट प्रकाशन गरिन्छ।]

रुवाई

2009-06-07T10:08:00.000-07:00

१
अरुलाई ढुङ्गा ठान्छौ ढुङ्गा बरु झुक्दो रैछ
आफुलाई सागर ठान्छौ कहिले सागर सुक्दो रैछ
आफ्नोसामु भाई ढाल्छौ अभिमानको घुम्तो ओढी
बुझ पचाई मानवतामा जिबन तिम्रो चुक्दो रैछ।

२
आफै आफै जुधेर सिसासरी फुटेका छौ
दायाँबायाँ हेर्ने हैन निर्दोषलाई भुटेका छौ
भ्रष्टचार छाडातन्त्र गर्छन माथी मनोमानी
आफ्नो गल्ती तलकालाई चुट्नसम्म चुटेका छौ।

३
बाटो हिंड्ने यात्रीलाई ठेस लाग्न सक्छ भन्थे
जालीलाई एकदिन केस लाग्न सक्छ भन्थे
चोखो माया बेची बेची दोबाटो धाउनलाई
मरुभुमीमा असाध्यै प्यास लाग्न सक्छ भन्थे।

देबी बहादुर श्रेष्ठ
तुङ्गेछा-१, भोजपुर
हाल: धनकुटा-३ कचिडे

रुवाई

2009-05-29T03:25:00.001-07:00

मन पनि दुख्दो रैछ देख्न कतै घाउ हुन्न
घाउमात्र दुख्ने होईन नदुखेको ठाउँ हुन्न
पर्खे सधैं तिमीलाई मुलबाटोको चौतारीमा
एकोहोरो माया दिने "शिब" अब साहु हुन्न।
२
यो आँखामा बस्यौ तर अहिले भयौ घामछायाँ
बरपिपल झैं कहिले हुने चौतारीमा दायाँबायाँ
बिपनीमा कता गयौ सपनीमा देखी रहें
सच्चा रहे धन्य हुन्थ्यो सधैं-सधैं हाम्रो माया
३
भन्नै पर्ने केही कुरा तिमीलाई लुकाएँकी
त्यसैबाट मन तिम्रो मैले कतै दुखाएँकी
गल्ती केभो थाहा छैन सजाय त पाए साथी
लौन बिन्ती देखाईदेउन बाटो कतै बिराएकी

शिब ढुंगाना
दियाले-९, ओखलढुंगा

रुवाई

2009-05-25T11:53:00.000-07:00

१
मेरो छाती जेल बनोस,
सिँदुरपोते नेल बनोस
हामी दुईको सुहागरात
सम्झनाको मेल बनोस|
२
जताततै अँध्यारो छायो र खत्तम भयो
सुनामी छाल आयो र खत्तम भयो
ढकमक्क लालीगुराँस फुल्ने पाखाहरु
डढेलोले सबै खायो र खत्तम भयो ।
३
साँझ पर्दा तिम्रो याद जगाएर पिएँ
जिन्दगी नै खुशीसरी बगाएर पिएँ
पिउनुमै छ सबथोक पिइदिन्छु भन्दै
रातभरी ठाडो घाँटी लगाएर पिएँ |

स्व. प्रबीण बानियाँ
दोखु-१ ताप्लेजुङ

हाइकुहरु

2009-04-26T18:23:00.000-07:00

हाइकुहरु

कती सुन्दरी
पुर्णिमा को जुन झै
पुरै फक्रेकी

सुत्केरी भत्ता
साम्सदहरु लाई
काट्टो सरह

सिथिल भए
अङग बेढंग सँग
कहाँ बिसाउ

रुनु न हास्नु
बनायो पिरतिले
प्रेम गरेर

नगर इर्ष्या
सके गर आँफैले
पछुताउला

निको नहुने
भित्र दुखीरहने
प्रेम सागर

कुर्सी को मोह
लाचारिहरु लाई
जुत्ताको माला

पती प्रदेश
श्रीमती घरदेश
यता न उता

अंकल हो र ?
होइन भने को त?
सोधन बाबु

नेतालाई के?
उपहार को लागि?
जुत्ताको माला

नाक को फुली
नाइटोमा झरेछ
तल नझार

उदास मन
झरी पछी को घाम
तिम्रै यादमा

सुत्केरी भत्ता
जनता को भोटमा
फुपु को स्राध्ध

बिमल गिरी
चारपाने झापा
(अनेसास) बेल्जियम च्याप्टर

हाईकु

2009-04-24T12:06:00.000-07:00

पाँच हाईकु
१
‘प्रतिक्षा’ गर्दा
‘क्षणिक’ मै ‘घायल’
‘एकान्त’ रोंजे।
२
‘आकश’ मा नी
‘बादल’ मडारिएर
‘चट्टयाङ' पर्न।
३
‘मुस्कान’ छर्दै
‘बिहानी’ र ‘बर्षा’
‘समिप’ भए।
४
‘अतित’ का पाना
पल्टाई हेर्दा
‘बिरही’ भाव।

५
‘अन्जान’ मै क्या
भेट हुँदा ‘लज्जालु’
‘भाबुक’ भयो।

दीपा “आँशु” सुब्बा
छथर पञ्चकन्या-१ हिमाङदिन, तेह्रथुम

रुवाई !

2009-04-02T03:30:00.000-07:00

तिन रुवाई.....!

(१)
तिम्रो यादले नछोएको प्रहर जाती
तिमीले नै लत्याएको शहर जाती
निराशा र बेवारीसे बनायौ भन्दिन म,
बरु तिमीले नै पिलाएको जहर जाती ।

(२)
भुल गर्नेले दोष अरुलाई दिन्छन रे
बुद्विमानहरु जोस अरुलाई दिन्छन रे
मात्तिएर कर्तब्य सबै भुले पछि
चोखो बन्न तोष अरुलाई दिन्छन रे ।

(३)
तिमीलाई गलत देख्ने बानी छैन म सँग
तिमीसँगै बिताएको बिहानी छैन म सँग
प्रकृतिको कुरा चल्दा लजाउदै मुख छोप्ने
चाख्न मिल्ने तिमीलाई जवानी छैन मसँग ।

ॠतु लिङखिम "परिवर्तन"
कोल्बुङ्-४ ईलाम

रुवाई

2009-01-23T03:53:00.000-08:00

तीन रुवाई

१
नआउ भो मेरो पछि तिमीलाई बात लाग्छ
वाहवाही मिल्नु साटो बदनामी हात लाग्छ
मेरो देखासिखी गर्दै नउठाउ प्याला तिमी
मैले तिर्खा मेट्ने कुरो तिम्ले पिए मात लाग्छ

२
धेरै मै हुँ भन्ने कुहिरो को काग मैले
निष्कलंक रुप हेरें त्याँगे अनुराग मैले
सबै छोडी आजभोलि आँखा चिम्लिबसेको छु
यथार्थमा देखे पछि चन्द्रमामा दाग मैले

३

झट्ट हेर्दा देखिदैन मान्छे बेइमानी जस्तो
बहिरा हेरे के जान्नु र भित्र बानी कस्तो ?
जतनसाथ शीतबाट बटुलेर ल्याएँको थें
पोखिदिएँ मेरो माया बालुवामा पानी जस्तो ।

हरि कृष्ण काफ्ले
चन्द्रानीगाहपुर

मुक्तक

2009-01-21T06:09:00.000-08:00

कहिले आँशु सुकेर रोएँ,कहिले मुटु दुखेर रोएँ
हिँड्दा हिंड्दै ठेस लागे कति, कहिले शिर झुकेर रोएँ,
सोचेको सबै पुग्छ र कहाँ, कहिले आँफै चुकेर रोएँ
रुँदा गलेर थाक्न पाईन, कहिले भाग्य थुकेर रोएँ
रुवाइको त ठेगान छैन, जहिले रुएँ लुकेर रोएँ

इन्द्रावती राई
काठमाडौं

रुवाई

2009-01-12T06:37:00.000-08:00

“चार रुवाई”
{i}
अरुको लाश गनेर आयो होला, तिमीलाई मजा
सबैलाई मारी, लाशमाथी उभिंदा सोच्छौ राजा
तिमीलाई के थाहा, सबैले त्यहीं बन्नुपर्छ भनेर
पाली त अब तिम्रै देख्छु, बज्ने ब्याण्ड बाजा ।
{ii}
दाजुभाई जुटे छोडेर काम, गर्न नेपाल बन्द
दिदिबहिनी नि धुरिए, छोडेर काम धन्दा
हैन हाम्रो देशमा ब्यबशायनै यहीं खोल्ने कि
रात दिन आगजनी र तोडफोडको धन्दा ।
{iii}
गोही बनी आँशु झार्छौ, अँजिगर बनी डस्छौ
आफ्नो फाईदा देख्यौ भने, नर्कमा नी बस्छौ
मान्छेका खोल ओढेका ए ब्वाँसा हरु हो रातभरी
उर्बशी र मेनकासँग, दिनमा किन खरानी धस्छौ?
{iv}
कल्पनमा डुबेर थप्छौ, शाहीत्यका पातहरु
थप्छौ भने थप, वास्तविक्ताका खातहरु
पाना भर्ने काम मात्र तिम्रो होइन अब
भर्ने गर चोटिला कुतत्व र कुप्रथाका बातहरु ।

बि. जे. बान्तवा “गाउँले”
ठुलो दुम्मा-९, भोजपुर

रुवाई

2009-01-07T07:34:00.000-08:00

"४ रुवाई"

१
जो हाँस्यो मुटुमा आगो लिएर
न्यायको तिर्खामा गोली पिएर
मर्ने लाई मेरो रातो सलाम
माटोका निम्ती त्यो मुटु दिएर ।

२
जन्माउनुपर्छ बिहानी नरोउ रात सम्झिएर
फुलाउनु पर्छ प्रेम्, नरोउ घात सम्झिएर
भीरमै फुल्छ गुराँसपनि फाँट खोज्दैन त्यो
दुखै सुख ठान अब नरोउ लात सम्झिएर ।

३
निर्दोष अनि अवलाका मुख मोसिएका छन कति कति
खानै आँट्या हातको गाँस् खोसिएका छन कति-कति
हाडछाला घोट्नेहरु भोक-भोकै छटपटाउँदा
श्रम चोरका ठेकेदार चैं पोसिए छन कति-कति।

४
पालेर आशा हृदय भरि नबस्नु पर्खेर
स्वर्गको बाटो हिंडेकी म त आउदिन फर्केर
कसैको छैन अमर जीवन खरानी बन्नै छ
छौन्जेल जीवन हाँसेर जिउनु नरुनु चर्केर।

प्रतिभा "प्रक्षिप्त"
आँखिसल्ला-८ धनकुटा

मुक्तकहरु

2009-01-06T06:38:00.000-08:00

"तिन टुक्रा मुक्तकहरु"

"जिन्दगी……।"

न धारमा बग्छ न ज्वारमा मौनताकै ताल भो जिन्दगी
न हार छ न सार छ कुनै दुनियामै बेहाल भो जिन्दगी
कोहि त बताई देऊ हे दुनिया यो जिन्दगीको अर्थ
ज्युने साहारा खोज्दा खोज्दै समयको ढाल भो जिन्दगी ॥

"विवश्तI…॥"

सपनी झै लाग्छ जिन्दगी झस्कियो एक्लै एक्लै
दुनिया संग हास्यो खेल्यो तड्पियो एक्लै एक्लै
जिन्दगी यो खै के हो आफैलाई न थाहा
आखिर चितामा पनि सल्कियो एक्लै एक्लै ॥

"जित"

मायाको संसारमा मतलबी सबै धारहरु
जित बनाएर त हेर तैले हारेको सबै हारहरु
संकल्प गर् उडि छुने चन्द्रमा
भेटिन्छन् कति कति ज्यूने आधार हरु ।

दुर्गा राई
हाल : ईराक

मुक्तक

2008-12-31T22:35:00.000-08:00

प्रतिक्षा.........!

प्रतिक्षाको बाँध फुटे छ भनेपनि
धैर्यताले बाँच्न सिक्ने छु!
आशाहरुको तार छिने छ भनेपनि
बिश्वासले बाध्न सिक्ने छु!!
म यो धर्तीबाट बिलिन भएपनि
अर्को जन्म तिम्रै भएर पर्खिने छु!!!

बृन्दा मोक्तान
बोखिम-८, आहाले
भोजपुर

मुक्तक

2008-12-10T05:08:00.000-08:00

तीन मुक्तकहरु.........!

(१)
फूल ओइलिएर बसन्तमा झरेपछि
जिबन सुकेर अमृतमा मरेपछि
म जिबन मरणको दोसाँधमा अल्झिएको छु,
तिमी नदीमा जंघार तरेपछि

(2)
पहिले भन्दा अहिले तिमी निकै ठुली भइछ्यौ
झुपडीको बास छोडी महलभित्र गइछ्यौ,
तिमीबिना बाँच्दिन भन्थ्यौ टाँसिएर छातिमाथी
नाटक रचि फसाउन निकै जाली रइछ्यौ

(३)
पिंडा बिर्सनलाई पिउँछु साथी
ब्यथा टाल्नलाई सिउँछु साथी
हृदयबिहीन लिएर खोक्रो छाती
तिरस्कार छेक्नलाई जिउँछु साथी।

पुर्ण सन्ध्या "समाधी"
सिन्द्राङ-३ भोजपुर

मुक्तक

2008-09-20T23:03:00.000-07:00

॥मुक्तक॥

॥१॥

कर्णाली देख्दा साह्रै दुःख मान्छ राजधानीले
तर बिकाश भने आफैसंग राख्छ राजधानीले
कठै ! यता सुस्था छाती पिटी टिपी रुन्छ
उता तिर मधुर हासो हास्छ राजधानीले ॥

॥२॥

मेरो हातले शान्तिको गुरास सार्न सकोस
सहिदका मिठा सपना साकार पार्न सकोस
आदम्य साहस बोकी जोस जागर संगालेर
नया बिहानीको निम्ती दैलो उघार्न सकोस ॥

॥३॥

अचेल ठग्ने लुट्ने चोर्नेमात्र काम भएको छ
स्वाभिमान भन्दा ठुलो दाम भएको छ
हिजॊ सीता हर्ने रावण उहि हो हजुर
आज यहा त्यही मान्छे राम भएको छ ॥

दुर्गा भुसाल
नवलपरासी

हाइकु

2008-09-13T08:09:00.000-07:00

"पाँच हाइकु"

केशमा चश्मा
खस्न लागेको पैन्ट
कस्तो जमना ।

मोटो छ पर्स
पैसाको अनिकाल
चिठीको थुप्रो

छोटो कपडा
आजको फेसन रे
नग्न शरीर ।

कानमा टप
छुट्याउन गाह्रो
केटा कि केटी ।

केशमा जेल
ठाडो पारेको वाल
जुम्राको खेल ।

"आन्जन" गंगा मगर
ईलाम जीतपुर-६

हाइकु

2008-08-25T11:20:00.000-07:00

(तीन हाइकु)

बिदेशी यात्रा
दलालको फाईदा
युबाको बिक्री ।

खाडीको धन
खोलाको भल पानी
यता न उता ।

पैसाको बोट
बिदेशको सपना
ऋणको थुप्रो ।

(अन्जान) गंगा मगर
ईलाम, जीतपुर-६

2008-05-10T09:12:00.000-07:00

"मुक्तक"

सुनगाभा भै फुल्न नसकेनि
बाबरीको भेट रे
तिमी हिंड्ने बाटो भरि
मेरो मायाको गित् रे
फुलै फूलको जिबन हाम्रो
बास्ना यस्को प्रीत रे
भुल्दै भएपनि सम्झनु है
बाँच्ने यहि रित् रे,,,,,,,,,,,,,,,,,,,,!

साबित्री राई
धरान-१०
सुनसरी, नेपाल

मुक्तक

2008-05-08T10:12:00.000-07:00

1, मुक्तक

बिस्वास लाग्छ अझ तिम्रो मलाई
तिमीले माया तोडी गएपनि,
छोटो यादको लामो पर्खाइमा
तिम्रो प्रतिक्षामा बसेपनि,
संझना लाग्छ मुटुमा
तिमीले संधैको लागि बिर्सिएपनि ।

लेखिका- कमला राई "असफल"
लिच्की राम्चे-१, माबे, खोटाङ
सागरमाथा, नेपाल

2, मुक्तक

आज पनि यादहरु बल्झिएर आइदिंदा
पिंडा कति साह्रो भयो, आँखा त्य्सै रसाईदिंदा
भावनाका छालहरु आँशु बनी झरेपछि
धेरै गाह्रो पर्दोरहेछ आफ्नो मान्छे टाढा हुँदा ।

बसन्त बिप्लव "अल्छि"
केवलपुर्-६, गैरिखर्क, धादिङ्, नेपाल

3, मुक्तक

मन त थियो तिमीसँगै दु:खसुख बाँड्ने
एउटै मुटु बनाएर संगै मर्ने बाँच्ने
तर कस्तो भाग्य रैछ हाम्रो माया भएन गाढा
बाध्यता र बिबस्ताले गराइदियो टाढा ।

प्रभा राई "झरना"
नेचा बेतघारि-८, तुइन्टार
दुईखोला दोभान, सोलुखुम्बु नेपाल

मुक्तक

2008-04-18T09:11:00.000-07:00

महल थिए सपनाहरु

टुक्रिएर गए

जोड्ने क्रम जारी राखी

कतार आए"

सिरमाथि घाम देख्दा

पोल्ने गर्छ यहा"

सम्झने छु बितेका पल

तिमी सँग त्यहाँ "

खगेन्द्र खत्री

-मधेसा-३, सुनसरी-

मुक्तक

2008-04-16T10:47:00.000-07:00

तिमि संग भेट हुदा खुशीले मन थाम्न सकिन !
क्षितिजमा बिलायौ फेरी तिम्रो इच्छा जान्न सकिन !!
गाडी भए जसो तसो गंत्ब्यमा पुराउने थिए की ?
टाढा गयौ छाडा भयौ गाई भैंसी झै बान्न सकिन !!!

कमल बुढाथोकी
जलजले--९ तेह्रथुम {हाल-- दोहा कतार}

मुक्तक

2008-04-09T07:17:00.000-07:00

के गर्नु जान्छौ दाजु र भाई

बिदेशको त्यो उजाड ठाँउमा ।

हालो,जुँवा,डोको र नाम्लो

रुदै छ हेर आफ्नै घरगाँउमा ।

जीवनमा दु:ख जत्ति छ

जेल्नु जेलौ है स्वादेशमा।

दु:ख र पिडा धेरै छ यहाँ

कोहि पनि नजाउँ बिदेशमा ।

न बुझ्ने भाषा गालीको भनाई

हामीलाई भन्छ त्यो ठाउँमा।

दु:ख र सुख जे जस्तो छ

फर्कौ है सबै घरगाँउमा ।

डाँफे, मुनाल्, मयुर र न्याहुली

खोज्दैछन रे हामी सबै लाई।

सयपत्री र मक्खामली फुलले

सोध्दैछन रे हामी सबै लाई ।

टेक विर बलम्पाकी मगर

ईलाम्, जितपुर्-९ मादिबुङ

हाल: Q.B.C. Post Box No - 40311 Doha-Qatar ,A/G

मुक्तक

2008-04-08T10:15:00.000-07:00

"मुक्तक"

न रच्नु थियो सृष्टी

रच्नु नै गल्ती भयो ।

बेकार भयो जिन्दगी

धर्ती को बोज भैयो ।

सहरा नै को छ र यहाँ

बिदेसिन्नु नै भुल भयो ।

खगेन्द्र खत्री

सुनसरी, मधेशा-३

हाल: दोहा

मुक्तक

2008-04-06T09:20:00.000-07:00

"मुक्तक"

आँशु निचोरी पठाएको छु, नसुकाउ सुख्खा खडेरिमा,
कथा र ब्यथा दिएको छु, नउडाउ उत्साह उमंग सुस्केरामा,
हाँसो पस्की पठाएको छु, नहाँसी दिनु शुन्या संसारमा
खुशी सबै तपाईंलाई नै दिँदा, नलागोस् नजर तपाईंको खुशीयाली जीवनमा ।

जिनिता राई,
खाँदबारी नगरपालिक -३, मानेभञ्ज्याङ्,
चिसो पानी, सखुवासभा,

मुक्तक

2008-04-04T08:03:00.000-07:00

बिस्वास का पाहिलाहरु बिवसतामा नामोड़िदेऊ !
निस्वार्थ छ हाम्रो मित्रता स्वार्थ कहिले नाजोड़िदेऊ!!
जिन्दगिको यात्रा हरुमा साथी सबलाई चाहिंछ यहाँ ,
हिलोमा फुलेपनी शुबास छ कमल भुलेर पनी नचुडिदेऊ !!!

कमल बुढाथोकी
जलजले-९ [तेह्रथुम}
Email - skamal_biswas@yahoo.com

मुक्तक

2008-04-03T08:27:00.000-07:00

मैले तिमीलाईआफ्नो ठानी मनका
कुरा लेख्दा खेरी,
तिम्रो मन दुख्छ भने
भो अब त्यस्तो म कहिल्यै लेख्दिन।
मेरो मनको फूल टिपी उपहार मैले
तिमीलाई दिंदा तिम्रो निम्ती
बिझ्ने काँढा बन्छ भने
भो अब त्यो म कहिल्यै दिदै दिन्न।

बृन्दा मोक्तान
बोखिम-१ भोजपुर

मुक्तक

2008-03-23T10:40:00.001-07:00

"मुक्तक"

प्रिया तिमी अचार् बनाउन सिपालु छौ रे,
ल भैगो म तिमीले बनाउने अचार मा सिलाम बनिदिउँला
,प्रिया तिमी बजार मा मेरो प्रेमको मुल्य सोध्दै हिड्छेउरे,
ल भैगो तिम्रो लागि म त्यो बजार मा लीलाम बनिदिउँला।

बि. जे. बान्तवा

मुक्तक

2008-03-03T01:06:00.000-08:00

"मुक्तक "

जब सोच्छु आफ्नै देश फर्किजाउ त्यागी यो प्रबासको पिडा ।
तब बाटो हेम्न आइपुग्छ गास बास र कपासको पिडा ।
साथि मलाइ पनि सगरमाथा झै शानले बाच्ने रहर थियो ।
तर यो मरुभुमिमा भोग्दै छु, हुनु पर्दा दास को पिडा ।

दुर्गा भुसाल
माकर - ४ बाडिपिडित, उपहार नगर , नवलपरसी
हाल,दोहा कतार
-----------------------------------------